Efectos chulos para as fotos

Buceando pola rede... como non, atopei unha web que fai efectos moi, moi chulos para as nósas fotos.

É moi doado: escolles o efecto, subes a foto, e listo; descargar e compartir.

Fai clic aquí para acceder á web.

SEBRAN

En Sebran ABC, imaxes vividas, música agradable e xogos sinxelos, ensinaranlle aos nenos e nenas como ler e escribir. 

O programa está deseñado para funcionar en diferentes idiomas, incluíndo inglés, francés, español e alemán.

Hai doce exercicios diferentes. Seis exercicios simples, con catro posibles respostas. 

CANTOS? É un xogo para ensinar a contar os números do 1 ao 9. Estes números serán usados nos xogos de SUMAR, RESTAR e MULTIPLICAR, os cales teñen cada un dous niveis de dificultade, un doado e outro difícil. 

En ELIXE UN DEBUXO un dos catro debuxos representa a palabra escrita na parte superior.

A PRIMEIRA LETRA ofrece catro posibilidades para completar a primeira letra da palabra. O neno pode empregar as habilidades logradas nestes exercicios para xogar MEMORIA, MEMO DE PALABRAS ou O AFORCADO. 

Por último, os xogos CHUVIA ABC, CHUVIA DE LETRAS, CHUVIA 1+2 axudarán a adestrar os seus dedos no uso do teclado.

Pica na imaxe para descargar este xogo educativo.

Espazo web de Innovación Educativa

Dende o 29 de abril, temos a nosa disposición o espazo web de Innovación Educativa, integrado dentro do portal da Consellería de Educación e Ordenación Universitaria de Galicia.

Esta web, nace coa vontade de converterse nun lugar de referencia para as iniciativas innovadoras útiles a calquera dos compoñentes da comunidade escolar de Galicia. Trátase dun espazo que buscará a interacción con todos os implicados na mellora do sistema a partir da creatividade e das boas prácticas educativa.

Para acceder á web picade na imaxe.

PICASA

O programa Picasa permite o inventariado de todo os arquivos gráficos do ordenador, a súa clasificación e orde, e inclúe ademais ferramentas de edición e retoque fotográfico. O programa interactúa con picasaweb permitindo colocar as fotos directamente nos álbums. 

Premede aquí para acceder a un artigo de interese sobre Picasa atopado na web de Aulaclic . 

Se queredes descargar o programa Picasa, picade no sistema operativo que vos interese: Mac ou Windows.

Para ver un exemplo de álbum Picasa picade aquí: https://picasaweb.google.com/martainfantil

TICHING, ¿será o futuro?

Acabo de atopar isto pola Internet e, a verdade e que ten moi boa pinta, polo menos o vídeo promocional explicativo. Agora... unha cousa é o que prometan e outra a realidade á hora de traballar con eles.

Trátase de unha plataforma que "promete" organizar todos os contidos educativos existentes na rede en base ao sistema educativo de cada país, nivel do alumnado, área de coñecemento,... Se isto é certo, será un perfecto buscador de contidos educativos xa que, por mor da inmensa cantidade de información que se reproduce de forma exponencial día a día, moitas veces perdemos máis tempo á hora de seleccionar a que precisamos para os nosos traballos que na realización das actividades en sí.

En principio non sinalan si é gratuíto ou de pago, si o sistema de obtención de contidos é un "quo por quo" ou estará libre para calquera aínda que non comparta contidos,... O único que sabemos é que para entrar en ela hai que solicitar un convite deixándolles o teu correo,..., eu xa o fixen, por suposto.

Aquí vos deixo o seu vídeo promocional para que cada un saque as súas propias conclusións:

Xa me esquecía, para acceder á súa web oficial podedes facer clic aquí.

Por certo, que xa deixei un par de "globos sonda" nas miñas redes para ver se algué sabe algo máis, estade alerta!!

ABC Timetable

ABC Timetable é un programa destinado a crear horarios escolares. O único que hai que facer é seleccionar o número de días, escribir os vosos horarios e títulos, elixir o deseño que máis vos guste, as cores e as fontes, e xa podes gardar as plantillas para reutilizalas e imprimir tantas copias como o desexes.

Para descargar o programa preme na imaxe.

PICNIK: Sencillo editor de fotografías

Hoxe tócame presentarvos outro de esos sinxelos programas que nos fan a vida máis fácil. Trátase de un editor de fotografías on-line (non precisa instalación) que permite facer pequenos retoques ás túas imaxes de xeito moi doado.

Entre outras funcións déixanos: recortar, cambiar tamaño, correxir a imaxen (color, exposición, enfoque, contraste,...), engadir varios filtros,..., e despois gardala outra vez no te ordenador.

Como moitas aplicacións de este tipo, Picnik ten unha versión gratuíta e outra de pago na que todas estas funcións se ven incrementadas.

Sen máis, aquí vos deixo o link para acceder á web do programa, e un pequeno tutorial dos pasos que temos que seguir.

Jing: Capturador de pantalla (imaxe e vídeo)

Como últimamente estamos publicando varios titoriais de como facer determinadas cousas, hoxe preséntovos un software para crear "vídeo-titoriais" de xeito doado, gratuíto e que se pode compartir fácilmente.

Trátase de "Jing", unha aplicación gratuíta que permite facer capturas de pantallas tanto de imaxes estáticas como en movemento (vídeos), o que a fai unha ferramente perfecta para a creación destes titoriais en formato vídeo.

No caso de que os nósos alumnos/as traballen nunha das moitas aulas de inforáticas que están repartidas polos centros da nósa comunidade, esta é unha boa opción para que poidan facer as súas tarefas de xeito autónomo e ao seu ritmo, evitando ter que estar explicando un por un todos os pasos que teñen que dar, por exemplo: para crear unha conta de correo, enviar mail, adxuntar arquivos, ou utilizar determinado software.

Podedes descargar o programa de xeito legal e gratuíto dende aquí.

Aquí vos deixo un vídeo-titorial do funcionamento deste software creado, como non podía ser de outro xeito, con Jing.

INCREDIMAIL

IncrediMail é un software gratuíto de xestión de correo electrónico, moi apropiado para o alumnado polo seu deseño e aplicacións.

IncrediMail administra todos os correos electrónicos dende diferentes contas (como Yahoo e Gmail) nun único lugar.

Entre as súas opcións encóntranse a de gravar voz adxunta á mensaxe, a posibilidade de usar notificadores animados ao recibir mensaxes e a posibilidade de configurar estes; o uso de sons, emoticonos, animacións e fondos nos correos enviados. 

Conta tamén con efectos 3D ao enviar, recibir ou ver un correo. Ademais, brinda a posibilidade de usar varias aparencias gráficas (skins).

Para descargar IncrediMail, preme na imaxe. 

Tutorial de DROPBOX!!

Que é DropBox??

Dropbox é un lugar de aloxamento gratuíto de arquivos de calquera tipo: fotos, videos, presentacións, páxinas web,... É como un pequeno HD (disco duro) pero na nube no cal podes almacenar, de maneira gratuíta, ata 2 Gb de datos.

Para qué??
Aos mestres e mestras pódenos servir como disco duro virtual, pero unha das mellores utilidades que lle vemos é a posibilidade de almacenar aí as nosas actividades multimedia creadas con software como: EdiLim, JClic, Ardora,...

Aquí vos deixo un tutorial de cómo funciona.

Todo sobre os PODCAST!!

Os PODCAST son arquivos de audio subidos á rede que se distribuen libremente e permiten inscribirse a eles. Ultimamente estanse a utilizar moito con finalidades educativas. A seguinte ligazón lévanos a un SITE (web de google) de un "Taller de Podcast Educativos" onde aparece toda a información que precisamos para crear, aloxar e difundir os nosos "podcast", ademáis de varios exemplos e indicacións da súa utilización como instrumento de ensino-aprendizaxe nas aulas.

Fai clic aquí para acceder ao taller.

PRESENTACIÓNS EN ISSUU E SCRIBD

Nunha entrada anterior viamos como subir as nosas presentacións á aplicación Slideshare. Hoxe dámosvos a coñecer outros dous servidores de aloxamento: Issuu e Scribd.

Nestes servidores, ao igual co anterior, poderedes encontrar documentos de interese e ademais subir os vosos propios documentos de word, excel, pdf, ppt...

Podedes ver os titoriais de ambos os dous e acceder aos servidores picando no logo correspondente.

Open publication - Free publishing - More issuu

  Tutorial Scribd

RECURSOS EDUCATIVOS DA CONSELLERÍA DE EDUCACIÓN E O.U DA XUNTA DE GALICIA

Na web da Consellería de Educación e Ordenación Universitaria da Xunta de Galicia existe un Portal Galego de Contidos Educativos, con recursos educativos en liña moi interesantes, divididos por niveis educativos. Para acceder a eles picade na imaxe.

RECURSOS EDUCATIVOS DO ITE

O Instituto de Tecnoloxías Educativas ten a disposición de todo o profesorado e comunidade educativa unha páxina onde podedes atopar miles de recursos educativos.
 

Os recursos están agrupados por colectivos de destino e tamén por niveis educativos. Picade na imaxe para ir á páxina.

Se queredes acceder directamente dende aquí aos diferentes recursos por niveis, picade na imaxe do nivel que vos interese.

Web Interesante!

Navegando pola Internet atopei unha web moi interesante con un montón de actividades para introducir aos nenos/as no mundo das TIC.
Aquí vos deixo o link.
Que teñades un bo entroido.

O ITE tamén se apunta ao traballo colaborativo!

O Instituto de Tecnoloxías Educativas do Ministerio de Educación acaba de abrir, dentro do seu xa popular "Banco de Imaxes e Sons" un apartado colaborativo onde calquera pode subir os seus arquivos para compartilos coa demáis xente que, baixo unha licenza Creative Commonds e despois de cubrir o formulario de rexistro, poderán ser usados libremente con finalidade educativa.

Parécenos unha moi boa idea que, por otra parte, xa se estaba demandando dende varios sectores. Seguro que en moi pouco tempo o Banco de Imaxes e Sons vai medrar moitísimo que con traballos de moi boa calidade.

Para acceder facede clic aquí.

Buscador para nen@s

Ferramentas como estas poden axudar a que os nenos e as nenas non se atopan con contidos inapropiados.

Buscador infantil.com  defínese como o Buscador para nen@s que non amosa resultados inadecuados, e emprega o motor de búsqueda Google cun sistema de filtros permanentes de texto, fotos e vídeos inadecuados.

Pica aquí para acceder ao buscador.

Presentacións Slideshare

Slideshare é un espazo libre, onde os usuarios poden enviar presentacións PowerPoint ou OpenOffice, que logo quedan almacenadas en formato Flash para visualizar en liña. 

É unha opción interesante para compartir presentacións na rede e soporta arquivos de ata 20 Mb de peso. Tamén nos permite compartilas por correo electrónico ou poñelas co seu propio reprodutor na nosa web ou blogue. 

Aquí tedes un exemplo de presentación Power Point en Slideshare.

Bits de la escuela

View more presentations from Martainfantil

E aquí, podedes ver unha pequena presentación para crear unha conta slideshare e subir as vosas presentacións.

Tutorial sobre Slideshare

View more presentations from BeneMarcos.

Fai clic aquí para ir á web de Slideshare

Debuxar de xeito colaborativo a través da rede!

Cada día que navego pola rede aprendo algo novo... para que despois digan que internet é malo. Nesta ocasión atopei un software on-line que nos permite crear e compartir un encerado para debuxar en él de xeito colaborativo e dende lugares distantes... e sen precisar rexistro!!
Estánseme a pasar pola cabeza un feixe de actividades educativas para facer con esta aplicación!!!
Fai clic aquí para ir á web.

Rótulos e Botóns Fashion!!

Unha web que permite crear de xeito sixelo e gratuíto rótulos e botóns para o teu blogue, totalmente modificables: tipo de letra, cor, tamaño,...

Posúe varias formas predeterminadas que, ao entrar nelas, son fácilmente modificables. Un bo complemento para cambiar o aspecto do teu blogue!. Clic aquí para entrar.

Google Art Project

Trátase dun novo servizo de Google orientado ao arte. Grazas a esta plataforma calquera individuo con conexión a internet, poderá visitar, de xeito virtual, dezasete dos museos máis importantes do mundo. Evidentemente este servizo aínda acaba de nacer polo que non posúe tódalas obras que se mostran nos museos "físicos" pero afirman que irán aumentando paulatinamente a súa conexión.
Os museos que participan, a día de hoxe, no proxecto son:

• Altes Nationalgalerie, Berlín, Alemania
• Gemäldegalerie, Berlín, Alemania
• Colección Frick, Nueva York, EE.UU.
• Galería Freer del Smithsonian, Washington DC, EE.UU.
• MoMA, The Museum of Modern Art, Nueva York, EE.UU.
• The Metropolitan Museum of Art, Nueva York, EE.UU.
• Museo Reina Sofía, Madrid, España
• Museo Thyssen-Bornemisza, Madrid, España
• Palacio de Versalles, Francia
• Galería de los Uffizi, Florencia, Italia
• Galería Tretyakov, Moscú, Rusia
• Museo Hermitage, San Petersburgo, Rusia
• Museo Kampa, Praga, República Checa
• Museo Van Gogh, Ámsterdam, Países Bajos
• Rijksmuseum, Ámsterdam, Países Bajos
• National Gallery, Londres, Reino Unido
• Tate Britain, Londres, Reino Unido

Ademais de pasear polas súa salas, dentro desta ferramenta podemos contemplar os cadros nunha resolución moi grande polo que, ata se notan os trazo dos pinceis sobre o lenzo.

Só nos queda sinalarvos a dirección para que pasedes por ali: Google Art Project

Titorial Hot Potatoes

Hot Potatoes: Creación de actividades educativas

Hot Potatoes é un software educativo creado polo Centro de Humanidades e Computación da Universidade de Victoria, en Canadá, que serve para crear exercicios educativos.

Os exercicios que crea son do tipo resposta curta, selección múltiple, encher os ocos, encrucillados, emparellamento... Posteriormente pódense publicar as actividades en calquera servidor.

Dicir, que se observaron certas incompatibilidades con algúns navegadores como Mozilla Firefox.

Podemos descargar o software de Hot Potatoes libremente a través da web oficial.

Inserir vídeos de Youtube en Blogger

Para inserir vídeos de Youtube o único que temos que facer é o seguinte:

- En Youtube, accedemos ao vídeo que nos interesa, por exemplo este:

- Unha vez diante do vídeo que nos interesa, picamos na pestana "Insertar" que está xusto debaixo do vídeo:

- Unha vez alí, apareceranos un código do vídeo que debemos seleccionar, copiar e pegar no noso blogue, ben nunha nova entrada ou como gadget. (Debaixo de este código temos unha serie de tamaños para o vídeo, podemos escoller o que queramos):

Para colocar o vídeo nunha entrada, debemos seleccionar na nosa entrada a pestana "Edición de HTML" e pegar aí o código.

Se pola contra, queremos insertar o vídeo nas marxes do blogue iremos a "Añadir un gadget", escolleremos "HTML/Javascript", e alí copiaremos o  código.

Presentacións de fotos gratuitas para o blogue

Se queredes incluír no voso blogue presentacións fotográficas, podedes facelo desde moitas páxinas. Entre elas, presentamos estas tres:

Slideshows

Para facer aquí a presentación, tedes que iniciar unha sesión con nome de usuario e contrasinal.

Logo, podemos facer estas tres operacións:

* Si escollemos un Slideshow faremos a presentación de fotos, á que lle podemos poñer música, efectos,...

* Si escollemos un FunPix, poderemos modificar unha foto, incluíndo nela animacións.

* Tamén poderemos publicar un vídeo.

Picture Trail

Aquí poderemos crear prácticamente o mesmo:

* Crear unha presentación de imaxes.

* Modificar de maneira divertida unha fotografía.

Kizoa

Nesta páxina podemos facer:

* Unha presentación moito máis "profesional", añadindo efectos a cada imaxe, transicións, ... (a modo de software de vídeo)

* Retocar fotografías de maneira máis "profesional" tamén, podendo cambiar fotos de color, poñer marcos, ...

Invitámosvos a visitar estes tres enlaces. Desde "bitácoraseducativas-cra" creemos que para aprender a utilizar algo, hai que comezar por utilizalo.

TITORIAL: Glogster (Posters Dixitais)

Déixovos aquí un titorial sobre a creación de posters dixitais coa aplicación: Glogster; que atopei no canal de youtube: Recursos de Historia. Nel explícase de xeito sinxelo como crear un poster de estas características incluíndo nel tódalas posibilidades que este tipo de software posúe.

Posters dixitais con GLOGSTER

Outra aplicación moi interesante para crear contidos moi vistosos de xeito sixelo para os nosos blogues educativos e: Glogster.
Con esta aplicación poderás deseár posters dixitais e incluir neles: imaxes, vídeos e sons de xeito doado.
No permite a descarga do resultado do teu traballo ao ordenador pero si que podes incrustalo en calquera blog.
Aquí tedes unha mostra confeccinada por unhas alumnas de secundaria. Podedes ver o seu site facendo clic aquí.

TITORIAL JCLIC: Introdución

Aquí temos un titorial que nos introduce ao mundo do JClic confecciónado por Domingo Méndez, extraído del canal Aula Historia de Youtube.

JCLIC: Creación de Actividades Educativas

O JClic é un software, derivado do Clic 3.0, que nos permite crear paquetes de actividades educativas aproveitando as posibilidades multimedia que presenta os ordenadores hoxe en día. Estas actividades poden conter vídeos, imaxes e audios, e poden ser executadas tando nos ordenadores como no EDI (Encerado Dixital Interactivo).

O programa posúe unha gran variedade de actividades que poden ser utilizadas dende Educación Infantil ata a Educación Secundaria Obrigratoria.

Unha vez creadas todas as actividades podemos obtar por exportalas a linguaxe html (para subir a un servidor en forma de páxina web), podemos crear un pequeno programa instalador do noso paquete de actividades, ou gardalas directamente nun arquivo que poderá ser executado polo JClic.

O JClic conta con tres módulos:
- JClic (para poder executar actividades confeccionadas neste sofrware)
- JClic Author (para deseñar e crear os paquetes de actividades)
- JClic Reports (que nos permite xestionar unha base de datos coas estatísticas das diferentes actividades).

Para poder acceder á web oficial deste proxecto podes facer clic aquí.

Crear "Novas de Xornais"

Unha utilizade moi práctica sinxela para darlle a un texto o aspecto dun xornal. É online, gratuíta e convirte automaticamente unha nova (Nome do Xornal, Títular, Data e Corpo) nunha imaxe ".jpg" con forma de xornal. Podedes atopalo facendo clic aquí.

Inserir actividades Lim no blogue

Para inserir actividades Lim no blogue, temos que gardar nun servidor ou espazo web externo a Blogger os tres arquivos creados polo programa, e tamén todos os arquivos multimedia que utilizásemos. 

O primeiro é o arquivo de configuración do exercicio, o segundo é o arquivo HTML ao que exportamos o exercicio, e o terceiro é o que permite que o exercicio funcione con tecnoloxía Flash. En Windows, estes arquivos aparecen sen a extensión de tres letras que vai despois do punto, pero recoñécellos pola icona:

No ISFTIC (servizo do Ministerio de Educación que recolle todo o relativo ás Novas Tecnoloxías na educación), dispoñemos os docentes dun espazo web para publicar páxinas web e subir este tipo de actividades interactivas como son as actividades Lim, que despois poderemos inserir no noso blogue. Para conseguilo, hai unha páxina de petición de conta gratuíta para profesores cun arquivo PDF para solicitar a conta.

Unha vez subido a un espazo web (como pode ser o ISFTIC) a actividade Lim,  temos que incluír na entrada do noso blogue o seguinte código. Para iso teño que realizar dous pasos:

1. Apunto ou copio a ruta ou dirección Web (URL) onde está gardado, de modo que se escribimos esa ruta no navegador, vemos o arquivo como páxina web normal.

2. Incorpóroo ao meu blogue mediante a etiqueta iframe. O texto seguinte, cos cambios necesarios, hai que inserilo no código fonte do texto: facemos clic na pestana Edición de HTML do editor de Blogger, e aí pegámolo onde desexemos que apareza:

Neste texto vemos os atributos da etiqueta iframe, é dicir os parámetros da devandita etiqueta, que están colocados dentro da etiqueta de apertura:

1. src: é a ruta ou URL de onde se encontra gardado o arquivo da actividade  noutro servidor.

2. frameborder: é a anchura do bordo do marco expresado en pixeis.

3. height: é a altura do marco. Hai que axustar esta altura se se quere que non se vexa a barra de desprazamento e pareza que o test está incrustado no blog.

4. width: é a anchura do marco. Hai que ter coidado de non poñer unha anchura que supere os 500 pixeis, pois o marco podería invadir o lateral do blogue.

5. scrolling: é a barra de desprazamento. Escribimos auto para que a barra apareza automaticamente cando sexa necesario. Se escribimos yes, a barra aparecerá sempre, e se poñemos non, non aparecerá nunca. Neste último caso, hai que impedir que o test se esconda por debaixo do marco e o usuario non poida velo enteiro.

6. Non hai que esquecerse das comiñas e de pechar o iframe coa súa etiqueta de peche, que inclúe unha barra.

7. En texto azul inclúese a etiqueta div e o atributo align para centrar o marco na páxina, aínda que non é necesario. Non hai que esquecer o div de peche. Con este código podemos centrar calquera elemento da páxina.

(Información extraída do blogue: http://avalerofer.blogspot.com/)

ACTIVIDADES LIM

Estes son algúns enlaces nos que atoparedes actividades Lim para traballar co alumnado. Picade na imaxe para acceder.   

Educalim        

               Actividades Lim                

LIM (LIBRO INTERACTIVO MULTIMEDIA)

Lim (Libro Interactivo Multimedia) é unha ferramenta útil creada por Fran Macías, para o desenvolvemento de actividades educativas web que podemos obter libremente a través da súa propia web.

Vantaxes

* Os arquivos están na web, non se instala nada no ordenador.

* Accesibilidade inmediata en internet.

* Independente do sistema operativo, hardware e navegador web.

* Tecnoloxía Macromedia Flash, de contrastada seguridade e fiabilidade.

* Contorna aberta. Utilización de arquivos XML.

* Contorna agradable.

* Facilidade de uso para os alumnos e alumnas.

* Actividades atractivas.

* Posibilidade de control de progresos.

* Avaliación de exercicios.

* Recurso fácil para o docente. Non hai que preparar os ordenadores.

* Posibilidade de utilización en ordenadores, pda e encerados dixitais interactivas.

Aquí deixamos un titorial para ter unha visión global desta ferramenta.

TALLER DE EDILIM

View more presentations from Ainhoa Marcos.

TITORIAL: SPICYNODES

Acabo de atopar pola rede un titorial de como facer o rexistro na web de SPICTNODES e como comezar a utilizalo. Este tiorial foi confeccionado por Viviana Araya.

Herramientas colaborativas-Spicynodes

View more presentations or Upload your own.

TITORIAL: PREZI

Aquí vos deixo un tutorial para aprender a manexar o software on-line: PREZI, en moi pouco tempo (que por certo está confeccionado con este programa). Este tutorial foi traducido ao castelán por: "dolors reig".

Tutorial Prezi en español, aprender a utilizarlo en 15 minutos (academia Prezi) on Prezi

SPICYNODES: Crea mapas conceptuais moi vistosos

SPICYNODES, é unha aplicación on-line e gratuíta que nos permite crear mapas conceptuais moi vistosos, de maneira sinxela. Estes mapas pódense publicar e compartir a través de internet.

Aquí tedes un exemplo:

PREZI: Presentacións Flash Moi Vistosas

PREZI é unha aplicación online e gratuíta que nos permite crear presentación moi vistosas, de xeito sinxelo, e que perimte a súa publicación en internet ou a súa descarga para o teu disco duro.

Aquí tedes unha mostra confeccionada por: Manuel Pérez Bañez (COORDINACIÓN TIC) IES Antonio Domínguez Ortiz

PROYECTO TIC: CURSO 2010/11 on Prezi

ENLACES DE RELOXOS PARA BLOGUES

Estes son algúns enlaces nos que atoparedes reloxos para inserir no blogue. Picade na imaxe para acceder.

                                                      WidgetSI.com

creatupropiaweb.com

Clocklink

Toolshell Flash Clocks

Calgot Clocks

COMO ENGADIR RELOXOS NO BLOGUE?

Con axuda deste vídeo, podedes engadir reloxos no blogue.



Webs de axuda para personalizar o blogue

Aquí amosamos unha serie de páxinas webs que nos poden servir de axuda para personalizar o noso blogue. Para acceder a elas picade na imaxe.

                                             TUNEANDO EL BLOG

                  

TODO PARA TU BLOG

LA BLOGUERÍA

EL ESCAPARATE DE ROSA

MANUAL PARA BLOGGER